д. Лунпока

Война вылӧ мунiсны витӧн

Павел Андреевич Расов, менам пӧль, чужлiс 1901-ӧд воын Ручса сиктсӧвет улӧ пырысь Лунпока грездын ыджыд семьяын. Бать-мамыслӧн вӧлi сизим пи да кык ныв.

Пӧльӧс война вылӧ босьтicны 1941-ӧд вося декабрын (война пуксигӧн сылӧн вӧлi бронь – Кулӧмдiнын вӧчисны аэропорт). Кыдзи и Комиысь босьтӧм мукӧд салдатӧс, сiйӧс пыр жӧ мӧдӧдiсны фронт вылӧ: лыддисны, мый комияс да сибирсаяс – медбур кыйсьысьяс, ылiсянь веськалӧны пасӧ. Воюйтic Рытыв-Войвыв фронт вылын, дорйис Ленинград. Сылӧн усьӧм йылысь гижӧд менам пӧчлы воис 1942-ӧд вося апрельын: юӧртicны, мый воши лы ни ку. Павел Андреевичлысь нимсӧ пасйисны Коми республикаса Паметьлӧн книгаӧ. Эм сiйӧ и Великӧй Отечественнӧй война вылын усьӧмъяслы сиӧм пас вылын Ручын.

Пӧльлӧн колины Анна Ивановна гӧтыр да куим челядь: Зосим пи (менам бать) да Клавдия да Лидия нывъяс. Талун ловъя cӧмын Лидия Павловна, кодi олӧ Ухтаын.

Фронт вылӧ пӧльлӧн семьяысь мунiсны вит вок: Павел Андреевич (1901), Дмитрий Андреевич (1903), Егор Андреевич (1905), Илья Андреевич (1907), Зосим Андреевич (1909). Кыкӧн, Михаил да Иван Андреевичьяс, эз веськавны ыджыд арлыд вӧсна. Ловйӧн локтicны Дмитрий да Ёгор. Дмитрий война бӧрын уджалic «Ручевскӧй» совхозын Лунпокаын бригадирӧн, а Ёгор – Озъягса лесопунктын.

Ми кыпалам асланым рӧдвужӧн, кодъяс дорйисны вӧрӧгысь чужан мунымӧс, асланыс олӧмӧн шедӧдicны вермӧм. Нэмъяс кежлӧ паметь, нэмъяс кежлӧ слава!

Татьяна ТАРАБУКИНА

Сыктывкар.

Парма гор, 2019, Май 4 лун (18 №).

 © Усть-Куломская межпоселенческая библиотека